Тогуз-Торо районунда быйылкы жаңы окуу жылында 1- класска 490 окуучу мектеп босогосун аттады. 1-сентябрь билим күнүндө биринчи класстарды кабыл алуу үчүн тиешелүү бардык шарттар каралып, санитардык эрежелердин сакталышы көзөмөлгө алынды.

 

 

Аделина Бейшеналиева мектептин босогосун биринчи аттады. Мектеп, 1-класс деген сөздөр чынга айланып, кубанычында чек жок.

«Жаңы 1-класска кирдим. Бүгүн класска киргенде жыргадым. Анткени эжекем жакшы экен. Эжейибиз окуучулар менен тааныштырды. Мектептин ичине сейилдедик».

Адатта, 1-сентябрда мектептин алдына окуучулар менен чоң линейка менен өткөрүлчү.

Тогуз-Торо райондук билим берүү бөлүмүнүн башчысы Болотбек Иманбердиев ата-энелерге милдеттерин жана окуу тартибин  түшүндүрдү.

Окуучулар аралыкты сактоо менен окуу бөлмөлөрүнө жайгаштырылып, биринчи класстарга «Сүйүктүү Кыргызстаным» деген темаларда тарбиялык сааттар өтүлдү.

Тогуз-Торо райондук билим берүү бөлүмүнүн башчысы Болотбек Иманбердиев 1-класстын окуучуларын Билим күнү менен куттуктады.

Өлкөнүн башка аймактарындагыдай эле райондо 2-11-класстар дистанттык формада билим алышат.

Акталаада 1-класстар мектепке кандай кабыл алынгандыгы тууралуу окуңуз.
Анара Мааметова