"Тогуз-Торо ФМ" жамааттык радиосу
Тогуз- Торо району, Кара- Суу айыл аймагы
Бүгүн Тогуз-Торо айыл өкмөтүнүн жаштары тарабынан демилгеленип, ишке ашкан пенсионер Уулкан Ашыралиева апага эки бөлмөлүү турак жай курулуп, пайдаланууга берилди.
Тогуз-Торо айыл аймагынын жаштары Уулкан Ашыралиевага үй курулуп берилди
Аталган жаштар кеңешинин төрагасы Акназар Тилемамбетовдун айтымына караганда, айыл жаштары жалгыз бой энеге там салып берүүнү демилгелешип, 6-сентябрда курулуш иштерин башталган.
Тогуз-Торо айыл аймагынын Жаштар кеңешинин төрагасы Акназар Тилемамбетов
“Уулкан Ашыралиева жалгыз бой эне, мурда жолдошу каза болгон. Былтыр баласы да каза болуп калган. Өзүнүн эски үйүнүн жанына эки чоң бөлмө там салып, бүгүн лентасы кесилди. Бардык жакындан жардам кылган агаларга, инилерге жана досторго терең ыраачылык билдирем”,-дейт Акназар Тилемамбетов.
Уулкан Ашыралиевага жаңы тургузулган үйү
Демилгечи жаштар Нурбек Шайкидинов, Акназар Тилемамбетов, Төлөгөн Бейшенкадыр уулу, Махмудали Эсенкановдорго стимул берүү максатында Тогуз-Торо айыл өкмөтүнүн, айылдык кеңешинин «Ыраазычылык каты», «Ардак грамота» тапшырылды.
Тогуз-Торо айыл өкмөтүнүн башчысы Улан Көчөрбаев демилгечи жаштарга ыраазычылык катын тапшырууда
Он жылдык бүтүрүүчүлөр жалгыз бой энеге үй куруп беришти
Анара Мааметова